ماهو YouGov وكيفية ربح 50 دولار!

مرحباً بالجميع، في الموضوع ده هشرحلكم موقع يوجوف وإزاي ممكن نربح منه 50 دولار نقداً بإتمام شوية إستطلاعات بسيطة مش هتاخد منك وقت ولا مجهود

نبذة عن شركة يوجوف

YouGov1

شركة يوجوف هي واحدة من أبرز الشركات الرائدة عالمياً في مجال تقديم الخدمات الشاملة عن أبحاث السوق، وبتسعى من وقت انطلاقتها الأولى لتحقيق فكرة بسيطة وهي إن كل ما الشركات العالمية تمنح مستفيدينها فرصة للمشاركة في عملية أخد القرارات، القرارات دي هتبقى ناجحة بنسبة أكبر

إيه المطلوب مني تحديداً ؟

YouGov2

يوجوف بتبعتلك إستطلاع فيه أسئلة كل فترة وفترة هتاخد 5-10 دقايق، والأسئلة دي بتبقى عبارة عن إستطلاع لشركات إنت بتتعامل معاها يومياً مصحوبة ببعض الأسئلة الشخصية عشان يعرفوا إنت بتتعامل مع الشركات دي إزاي، وأوقات بتبقى إستطلاعات شخصية عشان يفهموا شخصيتك وتعاملها مع المواقف

طيب خلصت الإستطلاع، وبعدين ؟

YouGov3

كل إستطلاع هيوصلك وتخلصه هتاخد منه نقاط هتضاف لرصيدك في حسابك على موقع يوجوف، وبتدخل سحب على جوائز إلكترونية “iPad” وما إليه بشكل عشوائي، أهم جزء عندنا هي إنك توصل لـ 5000 نقطة عشان تقدر تستبدلهم بـ 50 دولار نقداً بتتبعتلك على ويسترن يونيون وتسحبها من أي مكان في بلدك!

حلو، إثبتلي مصداقية موقع يوجوف ؟

YouGovMoney

مش محتاج إثبات مصداقية، تقدر تبحث في جوجل وتشوف بنفسك تعاملات الناس مع يوجوف بالصور والمقالات والفيديوهات، وانا عن نفسي حطتلك آخر حوالة وصلت لصديقي أحمد إبراهيم اللي بيتعامل مع يوجوف لمدة سنة!

أنا عاوز أسجل، أعمل إيه ؟

YouGov4

  1. أدخل على موقع يوجوف من (هنا)
  2. هتلاقي قائمة على الشمال عشان تسجل في الموقع
  3. هتكتب إيميلك والباسوورد او ممكن تسجل بحساب الفيس بوك الخاص بيك
  4. بعد ما تسجل هتوصلك رسالة على إيميلك عشان تفعل حسابك في يوجوف
  5. هتملى البيانات المطلوبة منك زي الإسم والدولة وما إليه في البروفايل
  6. مبروك!، إنت كده بقى عندك حساب على يوجوف

ملحوظة: لازم تكتب إسمك بشكل صحيح عشان هو اللي هيوصلك عليه المبلغ

ملحوظة: لازم يكون عندك أكتر من 18 سنة عشان تقدر تسحب الحوالة من ويسترن يونيون

إزاي أكسب نقاط في حسابي ؟

الطريقة الأولى هي إنك تتابع إيميلك وتشوف الإستطلاعات اللي بتوصلك وتخلصها أول بأول، على كل إستطلاع هتاخد نقاط، مع العلم إنك لازم تجاوب على الإستطلاعات بشكل سليم عشان الموقع يبعتلك إستطلاعات بشكل متواصل

YouGov5

 

الطريقة التانية وهي إنك تستخدم الريفير لينك او رابط المشاركة بمعنى أصح، وده لينك بيديهولك، بتروح إنت مديه لأصحابك، ولو حد من أصحابك سجل عن طريق اللينك ده وعمل 5 إستطلاعات على الأقل هتوصلك 200 نقطة على حسابك!

YouGov6

وبكده أكون وصلت لنهاية الموضوع، لو عندك أي سؤال أو إستفسار أنا في الخدمة!